ناس بتشوف واحد بيتعصب على حد تانى
طبعا الكل يقولك الشخص ده عصبى ووحشانت شوفت وهو بيتعصب دلوقتى .. لكن مشفتش اللى حصل قبل كده
ممكن يكون اتعصب مش عشان الموقف اللى حصل دلوقتى
ممكن يكون فيه مواقف قبل كده .. والموقف الاخير خلاه ينفجر وتشوفوه عصبى
بلاش تحكم على حاجة مشوفتهاش من الاول
لما تلاقى حاجة زى كده .. اسمع الطرفين ... اوعى تقولى اصله ده عصبى اكيد هو اللى غلطان .. ممكن يكون الشخص الهادى هو الغلطان
اسمع لكل طرف .. وبلاش طرف يحكيلك بس عن الموقف اللى حصل دلوقتى .. قوله احكيلى عن المواقف اللى حصلت بينكم قبل كده
ممكن تكتشف ان الشخص العصبى ليه حق .. بس للاسف مش عارف ياخده لانه مش بيعرف يعبر كويس .. مش بيعرف يتكلم بهدوء
رسالة الى الشخص اللى بيتعصب كتير
( طول ما انت بتتعصب عمرك ما هتاخد حقك .. اهدا .. خد نفس عميق .. واتكلم بهدوء .. كل ما هتتكلم بهدوء .. كل ما افكارك هتبقى مترتبة ... هتلاقى الشخص اللى قدامك بيسمع ليك لانك هادى وبالتالى هتاخد حقك )
ليست هناك تعليقات:
إرسال تعليق