ساعات بتنسى ان فيه اشخاص وقفوا معاك فى اوقات صعبة كتير عشان مرة او مرتين سبوك ..
ليه بتنسى انهم وقفوا معاك مرات كتيرة قبل كده وبتفتكر المرة او المرتين دول
ممكن يكونوا فى الوقت ده كان نفسيتهم تعبانة او متضايقين من حاجة عملتها معاهم .. ممكن يكون اسباب تانية خاصة بيهم
المفروض ان كل شخص غالى عندك ليه رصيد
يعنى
لما تحب توقف علاقتك بحد .. مينفعش توقفها عشان عمل موقف مش حلو معاك او
مقصر فى حاجة او اختلاف ... لازم تفتكر الحاجات الحلوة اللى عملها معاك
قبل كده .. اوعى تنسى الحاجات دى .. هتقولى لا معملش .. هقولك عمل .. بس
انت مش عايز تاخد بالك .. انت فاكر الحاجات الوحشة .. لكن مش فاكر الحاجات
الحلوة
خلى بالك .. كلنا بنختلف .. كلنا بنشد مع بعض .. لكن المهم لما نختلف .. منجرحش بعض .. وبعد يوم او اتنين .. هنكلم بعض تانى
اى
كلام جارح هتقوله .. التانى عمره ما هينساه .. عشان كده اوعى تقول كلام
مش حلو لما تشدوا مع بعض .. عايز تقول بعض السلبيات .. قول بس بدون ما
تجرحه او تهينه
ليست هناك تعليقات:
إرسال تعليق