فيه اباء دايما بيضربوا اولادهم
كل ما يعمل حاجة يضربهعمل حاجة بسيطة يضربه
معملش يضربه
يجى قدام اصحابه يقلل منه ويقوله انت فاشل
انت مش هتنفع
يجى قدام الاقارب والاصحاب يقولهم ابنى وحش
الابن اتدمر نفسيا .. اهمل دراسته
بقى عصبى مع الناس
ويقول لنفسه كده كده كلهم عارفين انى وحش
يبقى ليه انجح .. ليه اتعامل معاهم
ومن هنا تلاقيه انضم لمجموعة اصحاب مش كويسين
اصحابه يشجعوه ويقولوله انت راجل .. برافو
وتلاقيه بيشرب ويعمل كل حاجة مش حلوة
وبعد سنين تلاقيه بيضرب باباه بعنف
ومحدش عارف يسيطر عليه
وكل ده ليه .. عشان حضرتك بتضربه من صغره وتقلل منه ومش بتشجعه
ده انت لو بتتعامل مع حد فى شغلك مش طايقه مش هتعمل زى ما بتعمل مع ابنك
ابنك ده المفروض حبيبك .. حتة منك .. مش عدوك
من فضلك لو انت بتتعامل وحش مع ابنك .. الحق صلح علاقتك بيه
عشان لما تقع او يحصلك حاجة .. هو اللى هيسندك وهيدعمك
اسنده ودعمه دلوقتى عشان هو بعد كده يسندك ويدعمك
ليست هناك تعليقات:
إرسال تعليق