فيه ناس مش بتحس بالنعمة غير لما بتضيع او تختفى شوية
ممكن زوج يكون معاه زوجة كويسة وبسبب معاملته الوحشة ليها باستمرار تسيب البيت ومترجعش تانىممكن زوجة تتعصب على زوجها وتكلمه باسلوب وحش وهو مستحمل كتير وفجاة يسيب البيت ويقولك انا مش هعيش معاها تانى وهى تندم انها عاملته وحش
ممكن يكون واحد فى وظيفة حلوة اوى وكل شوية يهدد صاحب الشغل انه هيسيب الشغل وفجاة يتقاله شكرا لخدماتك .. انت مفصول .. وبعديها يندم ويقول دى كانت شغلانة حلوة ... انا ليه عملت كده
ممكن يكون واحدة عندها اولاد اشقياء .. وكل شوية تقولك انا غلطانة انى جبت اولاد .. مكنتش المفروض اخلف .. وفجاة هم يطلعوا رحلة لمدة ايام .. والبيت يبقى فاضى .. وتكتشف ان هم فاكهة البيت وهم اللى كانوا بيخففوا عنها الهموم بدون ما تحس
ممكن بنت تتعامل مع مامتها بطريقة وحشة وتقولها انتى مش مؤثرة فى البيت .. وبعد وقت الام تموت .. البنت تكتشف ان مامتها كانت بتعمل حاجات حلوة كتيرة فى البيت وان هى كانت مؤثرة جدا .. تكتشف ان مامتها كانت الحب والحنان
ممكن واحد يكون بيحب واحدة وهى عمالة تطلب منه طلبات يعملها وهو ينفذ .. هى تزعله وهو يصالحها وهى شايفاه انه ميقدرش يستغنى عنها عشان كده بتطلب اكتر واكتر لحد ما هو قرر انه ينفصل عنها .. بعديها حاولت انها تصالحه .. وهو رفض نهائيا .. وهى ندمت انها كانت بتتعامل معاه بطريقة وحشة
وحاجات تانية كتيرة
حس بالنعمة اللى معاك .. لانها لو راحت مش هترجع تانى
ليست هناك تعليقات:
إرسال تعليق