طرف بيضحى .. وطرف بياخد بس
طرف بيحب بقوة وبيطلع كل مشاعره .. وطرف بيتعامل ببرودالطرف الاول بيتم اهانته دايما وبيستحمل وكل ده عشان بيحب الطرف الاخر ومش عايز يخسره
الطرف الاخر عارف ان الطرف الاول هيستحمله وهيسامحه .. عشان كده بيقول ( انا عارف انه ميقدرش يستغنى عنى )
وفجاة الطرف الاول تعب .. مش قادر يستحمل اكتر من كده وقرر انه هيتعامل مع الطرف الاخر بنفس تعامله
الطرف الاخر مستغرب من طريقة التعامل .. وقالك انا مش هتعامل معاه خالص وهو هيجى لحد عندى ويكلمنى
الطرف الاول رفض انه يتكلم مع الطرف الاخر وبعدوا عن بعض
وبعد فترة .. الطرف الاخر اشتاق للطرف الاول وحاول يكلمه ويقوله انت كنت دايما مهتم بى وبتحبنى بجنون .. ايه اللى حصل
الطرف الاول قاله انا مش بحبك .. مش مشتاقلك .. انت السبب .. انا كنت بهتم بيك وبحبك وبضحى من اجلك .. لكن انت عمرك ما ضحيت ولا اهتميت .. انت كنت انانى
طبعا الطرف الاخر اعترف بغلطه .. وحاول بكل الطرق ان الطرف الاول يسامحه .. لكن الطرف الاول رفض
الطرف الاخر ندمان وبيقول لنفسه انا كان معايا كنز مكنتش بقدره
خلى بالك .. لو لقيت حد بيضحى كتير وانت بتاخد بس .. اعرف انه هيسيبك فى يوم من الايام .. ولو محصلش ده .. اعرف انه هيتعامل معاك بعقله بس .. يعنى انت مش هتبقى غالى عنده .. هتبقى شخص غريب بالنسبة ليه
ليست هناك تعليقات:
إرسال تعليق