بتعمل صحبية مع حد وعلاقتكم بتبقى حلوة
وفجاة بتلاقى الشخص ده مش بيسال عليكبتساله .. يقولك ظروف
وكل مرة يقولك نفس الكلام
وبعد وقت تحصل عنده مشكلة كبيرة تلاقيه بيكلمك وهو حزين
وانت بتسمع ليه وتقوله متقلقش .. المشكلة هتتحل
وبعد ايام المشكلة تتحل وتلاقيه مش بيكلمك وتساله يقولك ظروف
وتكتشف انه هو بيكلمك بس لما تحصل عنده مشكلة
لكن لو فيه حاجة حلوة مش يقولها ليك .. يقولها لشخص اخر
الشخص الاخر ده مش بيسمع مشاكله .. لكن يسمع الحاجات الحلوة
لكن انت بيحكى معاك بس المشاكل والهموم ولما يفرح تلاقيه اختفى ومش بيكلمك
حد يسالنى لو انا لقيت صاحب بيعمل معايا كده .. اتعامل معاه ازاى
اتعامل معاه رسمى .. يعنى خلى كلامك قليل معاه
لان الشخصية دى بتكلمك عشان عارف انك بتحبه وبتعزه .. ممكن تستحمله كتير
وعارف انه مهما عمل فيك .. مش هتوقف كلامك معاه
لو انت اتعاملت معاه رسمى .. هتلاقى حاجة من اتنين :
- لو هو متكلمش معاك تانى .. اعرف انه مكنش بيعزك ولا بيقدرك من الاول وانت كنت مجرد شخص عادى بيطلع مشاكله معاه وبس .. ده متزعلش عليه .
او
- هتلاقى تعامله اختلف معاك وبقى يعاملك افضل من الاول بكتير
ليست هناك تعليقات:
إرسال تعليق