الافضل إنك تشتري مطبخك بالمتر المربع ولا المتر الطولي ولا نظام الوحدات ؟

مش مهم سعر المتر كام

طب ليه ؟!

عشان فيه أكتر من تلات طرق مختلفة لـ حساب مساحة المطابخ الإجمالية ؟

طب ايه هما الطرق دي و أعرف إزاي أقارن بينهم ؟!

إجابات الأسئلة دي وأكتر من خلال شرح عملي وتفصيل للطرق التلاته من خلال المقال ده

طرق حساب مساحة المطابخ :

1 – المتر المربع

2 – المتر الطولى

3 – نظام الوحدات

لو المطبخ عرضه 3 متر سفلى و 3 متر علوى
و بفرض إن إرتفاع الوحدات السفلية 80 سم وإرتفاع الوحدات العلوية 70 سم
يتم ضرب 3 متر * (80 + 70) سم

إذن المساحة الإجمالية للمطبخ 3*1.5 = 4.5 متر مربع

ولو هناك وحده ادراج بيتم ضرب عرض وحدة الادراج * الإرتفاع * 1.5 وفيه اماكن بتضرب في 2.0

ولو هناك ركنه حرف – لـ – هناك من يقوم بجمع مقاسات الوحده على الحائطين ثم الضرب * الارتفاع
او جمع الأطوال والضرب في الإرتفاع في 1.5.

وايضا هناك من يقوم بإضافة ارتفاع الوزر للمطبخ , لذلك لا ننصح بالتعامل بهذه الطريقة إلا في

حالة معرفة كيفية قياس كل وحدة في المطبخ .

يتم جمع عرض الوحدات السفليه + الوحدات العلويه بغض النظر عن الارتفاع

لو هناك وحدات مطبخ 3 متر سفلى و 3 متر علوى، إذن المساحة الاجمالىه 6 متر طولي.

ونظام المتر الطولي الأكثر إستخداماً في مطابخ

وأيضا يتم ضرب مساحة الزوايا والأدراج في 1.5 او 2.0 حسب طريقة الحساب .

أكتر نظام واضح بلا منازع في حساب مساحة المطابخ لأن بيكون سعر الوحدة محدد حسب طبيعتها ومعروف من قبل التعاقد علي المطبخ

ورفع المقاسات.

مثال الوحده الـ 90 سم السفلى سعرها مختلف عن الـ 90 سم العلوى نظراً لإختلاف العمق والإرتفاع

و الوحده 60 سم الأدراج سعرها أغلى من ال 60 سم الدلفه

وايضا بيكون معروف سعر الركنة , لان الركنة من اكتر الوحدات اللي بتفرق في مساحة المطبخ.

وهكذا

النقطة الأهم في الموضوع إن مش شرط المتر الطولي يكون أوفر أو المربع أوفر من الوحدات او العكس

المهم سعر المطبخ الإجمالي كام ؟!

مع مراعاة نوع الكونتر – حال المطابخ الخشب – والمفصلات والاكسسوار

لو احتاجت مساعدتى تقدر تكلمنى واتساب