شاب مدمن دخل مصحة واتعالج وبعد فترة رجع للادمان تانى ودخل المصحة للمرة التانية .. اسرته صرفت فلوس كتيرة على علاجه وطبعا خافوا انه لما يطلع من المصحة يرجع تانى للادمان
شخصية ( ب) قعد مع اسرته عشان يعرف ليه بقى مدمن .. كان الرد ميعرفوش ليه عمل كده مع ان كانت الماديات متوفرة ليه .. وبعد ما سألهم .. قعد يجمع معلومات تانية عنه
عرف ليه الابن عمل كده واكتشف انه بعد ما خلص الجامعة مكنش بيعمل حاجة فى حياته .. لا شغل .. لا هدف .. لا شغف .. كان خجول .. مكنش ليه اصحاب .. كان عايش يوم بيوم .. مكنش يعرف حاجة عن الحياة .. معندهوش خبرات .. اتعرف على صاحب .. الصاحب ده كان بيسمع مشاكله وهمومه .. الصاحب ده شجعه انه يبقى جرئ .. يعنى يجرب حاجات مختلفة .. يشرب .. يعمل اللى هو عايزه .. لحد ما وصل للحالة دى
وكمان باباه مكنش بيساله حياتك ماشية ازاى .. ناوى تعمل ايه .. مكنش فيه مناقشة بينهم ..
الابن لما خرج من المصحة المرة الاولى .. قعد فى البيت لمدة شهر ونص مش بيعمل حاجة .. يعنى عنده فراغ كبير .. طبيعى لازم يرجع للادمان تانى
شخصية ( ب ) اتفق مع الاب ان الابن قبل ما يخرج من المصحة لازم يتقاله ان فيه حياة حلوة مستنياك بره .. يشوف الابن ناوى يعمل ايه فى حياته ويساعده .. ويفكر معاه ويخطط .. يعنى لازم يشتغل .. لازم يتعرف على اصحاب جدد .. لازم يشترك فى انشطة ويحس انه مؤثر .. وبعد ما يعمل كل ده لازم يرتبط بشخصية بيحبها .. عشان هو يخاف عليها وهى تخاف عليه .. وكمان لازم يكون ليه مرشد نفسى .. يسمع ليه ويساعده ولو فيه قرار غلط هياخده .. المرشد يقوله بلاش القرار ده عشان هيبقى ليه اضرار .. المرشد ده يحفزه ويديله طاقة ايجابية ويخليه ينجح اكتر
شخصية ( ب) والاب قعدوا مع الابن وعرفوا هو عايز يعمل ايه فى حياته وهيساعدوه .. وبعد ايام .. الابن اشتغل .. وبعد اسبوعين اشترك فى انشطة خيرية واتعرف على اصحاب وكانوا دايما بيتقابلوا كتير .. وبعد فترة ارتبط بشخصية كان بيحبها .. حبيبته كانت حافز قوى ليه .. ولما كان يحس انه هيضعف ويغلط عشان مشكلة كبيرة مش عارف يحلها كان بيتكلم مع شخصية ( ب ) وشخصية ( ب) كان بيرشده ويقوله تعمل ايه
ملاحظة : شخصية ( ب ) هو بطرس بيتر
ليست هناك تعليقات:
إرسال تعليق