شخصية ( ب ) عرف ان الشخص ده عايش لوحده .. غير متزوج .. معندهوش اصحاب .. حياته بين الشغل والبيت .. مفيش حاجة تانية بيعملها فى حياته
شخصية ( ب ) قعد مع الشخص ده وقاله ليه حاولت الانتحار .. رد وقال ان الحياة مملة .. مفيش جديد .. وهعيش ليه .. معنديش حاجة اخاف عليها .. كده كده انا ميت
شخصية ( ب ) قاله تعالى نتمشى .. خرجوا .. والشخص ده قعد يحكى عن نفسه وشخصية ( ب) بتسمع ليه .. وبعد كده قعدوا فى مكان والشخص بيحكى ويبكى وبعد ما طلع كل اللى جواه ... شخصية ( ب ) اتفق معاه انهم هيتقابلوا بكرة فى مكان تانى .. وفعلا اتقابلوا .. والشخص قعد يحكى اكتر .. وبعد ما خلص كلامه .. قاله انا ارتحت
شخصية ( ب ) سأل الشخص ده وقاله ايه الحاجات اللى كان نفسك تعملها ومعملتهاش .. حاجات بتخليك مبسوط .. رد الشخص وقاله حاجات كتيرة
شخصية ( ب ) قاله انا عايزك كل يوم تعمل حاجة من الحاجات دى .. وبعد ما تعملها هتتصل بى وتقولى عملت ايه .. حسيت بايه بعديها .. هل كنت مبسوط ولا مفيش انبساط ..
فعلا الشخص ده قعد يجرب كل يوم حاجة من الحاجات اللى بتبسطه .. اول يوم مكنش مبسوط .. لكن حس ان فيه تغيير .. تانى يوم حس انه مبسوط شوية ... تالت يوم حس ان نظرته للحياة اتغيرت وابتد يشوفها حلوة شوية .. رابع يوم حس ان الحياة احلى شوية .... وبعد مرور 8 ايام جرب حاجات كتيرة بتبسطه .. لقى مشاعره اتغيرت تجاه الحياة .. كان عنده طاقة سلبية .. بقى عنده طاقة ايجابية .. كان الاول مش بيحبها .. دلوقتى بيحبها
وقرر انه يجرب حاجات تانية جديدة .. ولما يحس بيأس واحباط يتصل بشخصية ( ب) ويقوله عايز اقعد معاك لان عندى صراعات مش حلوة جوايا وافكار سلبية مسيطرة علي ..
شخصية ( ب ) يقعد معاه ويسمع ليه ويقوله .. الاول كنت قافل على نفسك .. حياتك كانت بين الشغل والبيت .... لكن دلوقتى ابتديت تشوف الحياة حلوة لانك عملت حاجات كتيرة بتحبها .. .. لكن لازم كمان يكون ليك سند فى الحياة .. لازم تفكر انك ترتبط بشخصية تحبها وتحبك .. تبقى سند ليك .. تبقى معاك فى كل وقت ... هتفرق كتير فى حياتك .. هتغير حياتك اكتر .. وبعد فترة ارتبط بشخصية جميلة .. جدعة .. وبعد مرور فترة .. الشخص ده قال لشخصية ( ب) .. ان زوجته الجميلة عملت تغيير حلو فى حياته .. بيقول لما الاقى نفسى هعمل غلط .. بفكر فى زوجتى سندى وحياتى واقول لا .. مش هغلط لان عندى حد بيخاف علي .. حد بيحبنى .. زوجتى هى مصدر قوتى فى الحياة
ملاحظة : شخصية ( ب ) هو بطرس بيتر
ليست هناك تعليقات:
إرسال تعليق